நான் பல ஆண்டுகளாக தமிழ் கற்றுவருகிறேன். அடுத்த ஆண்டு ஸ்பானிய மொழியைக் கற்க விரும்புகிறேன். ஏனென்றால் ஸ்பானிய மொழி உலகில் அதிகமாக பேசப்படும் மொழிகளில் ஒன்று. பயணம் செய்யும் போது மிகவும் பயனுள்ளதாக இருக்கும்.

பாடசாலையில் மொழிப்பாடமாக தெரிவு செய்வேன். அத்துடன் இணையத்தில் நிகழ்படங்கள் பார்த்தும் ஸ்பானிய பாடல்கள் கேட்டும் கற்றுக்கொள்வேன். நண்பர்களுடன் பயிற்சி செய்வேன்.

நான் என் அறைக்கு ஒரு புதிய சுவரொட்டி வாங்கினேன். இரண்டு சுவரொட்டிகளில் ஒன்றை தெரிவு செய்ய வேண்டியிருந்தது. ஒன்று உயரமான கட்டிடங்கள் நிறைந்த நகரக் காட்சி, மற்றொன்று வண்ணமயமான இயற்கை நிலப்பரப்பு.

நான் இயற்கை நிலப்பரப்பு சுவரொட்டியை தெரிவு செய்தேன். ஏனென்றால் இது மிகவும் அழகான வண்ணங்களைக் கொண்டுள்ளது. பசுமையான மரங்கள், நீல வானம், மலர்கள் என அனைத்தும் அற்புதமாக இருக்கின்றன. இந்த சுவரொட்டியைப் பார்க்கும்போது என் மனம் அமைதியாக உணர்கிறது. படிக்கும் போது இது என்னை ஊக்குவிக்கும்.

நகரக் காட்சி சுவரொட்டியை தெரிவு செய்யவில்லை. ஏனென்றால் அது சாம்பல் நிறத்தில் இருளாக இருக்கிறது. உயரமான கட்டிடங்கள் எனக்கு நெருக்கமான உணர்வை தருகின்றன. நான் ஒவ்வொரு நாளும் நகரத்தில் வாழ்கிறேன், அதனால் அறையில் இயற்கையை காண விரும்புகிறேன். இது என்னை மகிழ்ச்சியாக வைத்திருக்கும்.

விரைவில் எனக்கு பதினெட்டு வயது நிரம்பும்! இது என் வாழ்க்கையில் ஒரு முக்கியமான தருணம். வயது வந்தவராக மாறுவதால் பல புதிய வாய்ப்புகள் திறக்கின்றன.

இனி நான் வாக்களிக்கலாம். ஓட்டுநர் உரிமம் பெறலாம். சொந்தமாக முடிவுகள் எடுக்கலாம். வேலைக்கு செல்லலாம், பணம் சம்பாதிக்கலாம். பல்கலைக்கழகத்தில் சேர்ந்து படிக்கலாம். இவை அனைத்தும் என்னை உற்சாகப்படுத்துகின்றன.

ஆனால் குழந்தையாக இருந்த காலம் மிகவும் அழகாக இருந்தது. பொறுப்புகள் இல்லாமல் சுதந்திரமாக விளையாடினேன். அம்மா அப்பா எல்லாவற்றையும் செய்தார்கள். பாடசாலையில் நண்பர்களுடன் மகிழ்ச்சியாக நேரம் செலவிட்டேன். கவலையில்லாத வாழ்க்கை அழகாக இருந்தது.

பெரியவராக இருப்பதில் மிகவும் சவாலான விடையம் பொருளாதார பொறுப்பு என்று நினைக்கிறேன். வாடகை, உணவு, போக்குவரத்து என அனைத்துக்கும் பணம் தேவை. சொந்தமாக செலவுகளை நிர்வகிப்பது கடினமாக இருக்கும். அத்துடன் தனியாக முடிவுகள் எடுப்பதும் சவாலாக இருக்கும். ஆனால் இதை ஒரு புதிய சாகசமாக எடுத்துக்கொள்கிறேன்!